Minister chuan, "ZPM chu tawngtai mite ngampatna party a ni a, pawl hrang hrang inzawm khawm, inkawp rem hlei theilo  tura party dang-te'n an ngaih ni mah ila,  hmel fel tak puin tlâng chhîpah kan lawn chhuâk ve ta a, chu tlâng chhîpah chuan mipuite aiawhin ram ro kan rel mek a ni, hetiang dinhmun kan thlen theih chhan chu 'Kei kei ti lo a, nang zawk le' ti a bul kan ṭan vâng a  ni a, he nun zemawi tak hi chhawm nung zel turin lungrualpuite ka chah a ni," a ti.

B.Lalchhanzova chuan a department chan puala hmalâkna kal mêkte tarlangin,  "Retailer-te buhfai sem bâng  hralh kan remtih tâk loh avângin a lo berah kum khatah buhfai quintal 80000 vel, a pawisa a zawngin Rs. Vaibêlchhe 70 vel hum theih kan inbeisei a, Zo buh thar (Buhhum) pawh lei kan tum a tin, Mualkhang Bottling Plant thar thawh leh tura hma lâk  chhoh mêk a ni a, Oil Depot nei turin tha thlah lo a hma lâk mek  a ni," a ti. "Ram teh leh a kaihhnawih hna muang lutuk ṭhin tifel turin Survey Outsourcing ti tura hmalâk a ni a, complaint box-te siam niin lungawilohna leh rawtna nei chuan theh luh zêl theih a ni," a ti bawk.

An inkhawm hi H. Chhawntluanga, General Secretary in a kaihruai a ni.